Patay do isaeang ka menor de edad matapos mabunggaan raya it motorsiklo sa Candoni, Negros Occidental samtang nagapamantaw it drag race.
Suno sa imbestigasyon it Candoni PNP, nakapwesto do unga sa gilid it track race samtang pilang metro peang do eayo it motorsiklo maghalin sa starting point hay nadueaan raya it control nga naging rason it pag-apaw kara sa track race kung siin nabunggaan do unga.
Dugang pa kara, may tatlo man nga indibidwal nga ninahan sa nahitabong insidente.
Do nasambit nga drag race hay parte it selebrasyon sa kapistahan it “Dinagyaw sa Tablas Festival”.
Nagpaabot man si Mayor Ray Ruiz it pakikiramay sa pamilya it biktima, hambae pa it alkalde nga pagbawaean eun do makarang klase it aktibidad.
Samtang ginpamalibaran man it organizer do mga akusasyon nga nagpabaya sanda sa pagtao it seguridad.//MERIAM LUMBRES AGDIPA
