Patay ang isa ka menor edad matapos ginbuno takna alas 12:20 sang kaagahon, Mayo 23, sa Brgy. Camburanan, Tapaz, Capiz.
Base sa impormasyon gikan sa pulis, samtang nagatindog sa kilid sang dalanon ang biktima nga si alyas ‘Amping’, 17-anyos, residente sang Brgy. San Vicente, Jamindan, Capiz, hinali lang nga may pumundo nga motorsiklo kag nanaog ang suspek nga si alyas ‘Nonoy’, 40-anyos, residente sang Brgy. Agcococ, Tapaz, Capiz kag ginbuno ang biktima sa dughan.
Gilayon naman nga gindala naman ang biktima sa ospital apang wala na matabangan, samtang nakahunong na sa karsel sang Tapaz Municipal Police ang suspek kag padayon pa ang imbestigasyon sa motibo sang krimen.| Frances Joy Preciosa
