Gikonsiderang alarming na ang pagkulang sa suplay sa medical oxygen sa tibuok Caraga region tungod sa pagtaas sa demand sa pipila ka mga ospital.
Hisayran nga tunga-tunga pa lang sa bulan sa Agosto, nasinatian na ang pagkulang sa suplay sa medical oxygen.
Sumala ni Krizzia May Liong, ang administrative assistant sa Pryce Gas Inc., kun kaniadto, ang ilang suplayan mao lamang ang Butuan Medical Center, apan karon, tanang hospital na sa rehiyon.
Kun niadto, ang BMC, nanginahanglan lamang og 3,000 ka mga cylinder sa medical oxygen, apan karon, mipilo na sa makatulo, wala pay labot ang demand sa ubang ospital.
