Tinakawan ru sangka meat shop it uwa makilaeang suspek sa N. Roldan St., Kalibo, Aklan.
Ginapanag-iyahan ni Jhon Rick Madahuyan, residente it Brgy. Bulwang, Numancia.
Sa pag-usisa, nasayuran nga tinakaw ru cash box nga may sueod nga P3K nga nakabutang sa kilid it lamesa.
Nakita sa CCTV footage nga gin samad ru sliding window it suspek nga may tabon nga itom nga tshirt ru uyahon , naka long sleeve, naka suksok it color blue nga saewae ag itom nga stinelas.
Eagi man nga nag report sa Kalibo MPS ru tag-ana it tinakawan nga meat shop.//MARIVIC Y. ILIN
