Gin engganyo ni Mayor Jerry Treñas ro mga Ilonggo nga naiistorbo it mga masangag nga tunog it motorsiklo ag saeakyan, nga magkomento o magreport sa anang facebook page.
Raya hay agud maalerto ro mga pulis ag maagtunan kung siin ro area ag para makumpiska ro mga mufflers ngara.
Pila sa mga komento sa FB page it alkalde nga nakaka eksperiensya it masangag nga motorsiklo nga nagaagi sa andang lugar hay sa area it Mohon to Villa Plaza, Lopez Jaena St. Jaro, Villa Arevalo Quezon ag iba pang area sa syudad.
Base sa andang mga reklamo, nagatuga raya it tuman nga istorbo eabi pa ag nagaagi ro mga raya it kaaganhun nga gina-rebolusyon pa ro andang mga motorsiklo.
Samtang, ginpasaeamatan man ni Mayor Treñas ro mga kapulisan nga nagapatigayun it checkpoint sa B.S. Aquino Avenue, nga maeapit sa andang baeay, ngani nakatueog segun imaw it mayad bangud owa it nagaagi nga modified muffler bangud sa police checkpoint. // ANN DESLENE SALAZAR
