MIREAK ang mayor sa gipagula nga bana-bana sa National Economic Development Authority (NEDA) nga P64 matag adlaw alang sa tulo kan-anan.
Butyag ni Polomolok, South Cotabato Mayor Bernie Palencia dili realistic ang kwenta sa NEDA nga naa sa P21.3 kada kan-anan.
Kini gumikan sa kamahal na sa mga palaliton, wala mihaum ang maong kwentada sa NEDA.
Labi kung sa siyudad ka nagpuyo kulangon ang maong kantidad sa matag kaonan apan nakita niining posible kini sa rural areas.
Luyo sa dili maayong komento gikan sa publiko, giangkon sa NEDA nga daan ang kwentada nga gipagula ug giklaro nga dili ang maong buhatan ang natakda sa P64 food poverty threshold sa nasud.
Samtang naglaom si Palencia nga matun-an kini subli sa NEDA ug Philippine Statistics Authority (PSA). I Richel Gubalani
