Naghatag ug ultimatum si Cebu City Mayor Mike Rama alang sa mga barangay sa dakbayan sa Sugbo sa pagdumala sa ilang mga basura.
Matud ni Rama nga sugod sa Hunyo 12, dili siya gusto nga makakita og basura sa kadalanan o mga tawo nga mangatulog sa mga sidewalk.
Samtang gidili na usab ang pagsunog sa mga basura dinhi sa siyudad, ilabi na sa heat index karong panahona nga daling masunog ang mga light materials.
Nasayran nga ang Ecological Solid Waste Management Act o R.A. 9003 ug ang R.A. 8749 o ang Clean Air Act, nagdili ug nagsilot sa open burning.
Ang multa sa mga makalapas niini dili moubos sa Php10,000 apan dili molapas sa Php100,000 o unom ka tuig nga pagkabilanggo.//
