Pormal nga gintugyan ni Mayor Jose Jimbo Barruela ang mga tseke nga nagabalor tanan sang P1, 414,000 bilang livelihood assistance sa anum ka asosasyon sa banwa sang Dao.
Ini ang kabahin sang Sustainable Livelihood program sang gobyerno sa diin maswerte nga nangin kwalipikado ang anum ka aktibo nga asosasyon para makabaton sang pondo.
Nakabaton sang tig-P270,000 ang Uswag Duyoc Livelihood Association kag Lacaron Livelihood Association, P255,000 sa Quinayuya Slp Association, P360,000 sa Balotan Ng Bayan kag P285,000 naman sa Agtanguay & Daplas Livelihood Association.
Ang nasambit nga kantidad ang pagagamiton sang mga nakabaton nga asosasyon sa pagsugod sang ila nga negosyo ukon palangitan-an. | Judy Ann Juare
