Halos 4 ka bulan nga gimonitor sa mga otoridad ayha malampusong nga nasikop sa hiniusang pwersa sa Philippine National Police ug Armed Forces of the Philippines ang gi-ingong mastermind sa pag-ambush kang Lanao del Sur Governor Mamintal Adiong Jr.
Naila ang suspek nga si Lomala Baratumo alyas Commander Lomala, 42-anyos, pamilyado, mag-uuma ug mulopyo sa Bato-bato, Maguing, Lanao del Sur.
Matud kang South Cotabato Police Provincial Office Police, Provincial Director Police Colonel Cydric Tamayo nga “highly mobile” ang suspek, ug bisan asa nga lugar gatago-tago.
Nadakpan kini sa usa ka checkpoint sa Sitio Morales, Barangay Centrala, Surallah diin ang suspek nitago sa usa ka multicab nga puno sa karga nga ukay-ukay.
Subay niini, ang driver sa multicab lakip sa gi-imbestigahan apan atol sa operasyon sa otoridad kalit nga gi-atake ang driver ug naglisod sap ag-ginhawa apan iyang gibarugan nga wala sya’y kalambigitan sa kaso nga gi-atubang sa suspek.
Nasuta sab sa imbestigasyon nga ang suspek nga nadakpan gi-ila nga most wanted sa Lanao del Sur ug No. 5 Most wanted sa PRO- Bangsamoro Autonomous Region.
Hisayran nga gi-ambush si Governor Adiong Jr., niadtong Pebrero 17,2023, kung asa patay ang upat ka kauban niini, samtang luwas ang gobernador. -END-
