Ginaboebanta nga kapin sa P850,000 nga balor it shabu ro narekober sa ginkasa nga buy-bust operation sa Club House of Metropolis Subdivision Brgy. Bito-on Jaro, Iloilo City ku nagtaliwan nga adlaw.
Naaresto ro suspek it gintingob nga pwersa it Regional Police Drug Enforcement Unit 6, Iloilo City Police Station 3, Station Drug enforcement Team ag Philippine Drug Enforcement Agency 6.
Ginkilaea ro suspect nga si Carlo Glenn Hortinela y Zamora, alyas “Mego”, sangka High Value Individual (HVI), 33 anyos ag residente it Purok Alalahoy, Brgy. Banago Bacolod City, Negros Occidental.
Nakumpiska sa suspek ro 16 nga heat sealed transparent plastic sachet, sangka knot tied transparent plastic bag nga parehong may sueod nga suspected shabu kaibahan eon ro buy-bust item nga may bug-at nga 125 gramo ag nagabalor it P850, 000.
Nagapangatubang ro suspek sa kasong pag eabag sa Republic Act 9165 o Comprehensive Dangerous Drugs Act of 2002. / ANN DESLENE SALAZAR
