Nakumpiska it Police Regional Office (PRO-6) ro kapin sa tatlong kilo nga shabu sa ginkasa nga anti-illegal drug operation sa Dolmax Subdivision, Brgy. Camalig, Jaro, Iloilo City, kabii, Nobyembre 9.
Ginkilaea ro mga suspek nga sanday Alias “Shanon”, 39yo, Alias “Kerry”, 35yo, ag si Alias “Anne”, 34yo, nga ginakabig nga mga High Value Individual personalities, ag parehung mga residente it Jaro, Iloilo.
Naaresto ro mga drug suspects it mga operatiba it Regional Police Drug Enforcement Unit 6, kaibahan ro City Drug Enforcement Unit it Iloilo City Police Office, ag Iloilo City Police Station 1-Station Drug Enforcement Team.
Sa nasambit nga operasyon, nabuoe sa mga suspek ro 18 plastic sachets it suspected shabu, kaeakip eon ro buy-bust item, waeong knot-tied plastic sachets, ag daywa ka (2) transparent plastic bags nga naputos it green Chinese tea bags, ag parehong may sueod nga mga suspected shabu.
Owa it eabot sa droga, narekober man ro ginamit nga buy bust money; proceeds money; sangka (1) android cellular phone; empty transparent plastic sachets nga ginagamit sa repacking, ag pilang non-drug items.
Ro mga naaresto hay kulong eon sa Jaro Police Station ag nagapangatubang sa kasong pag eabag sa RA 9165, o Dangerous Drugs Act of 2002. // ANN DESLENE SALAZAR
