Nagaabot sa kabieogan nga 2,148,517 ro numero it mga estudyante nga nakapa-enroll sa Western Visayas makarang school year 2022-2023.
Raya hay 2.11% nga mas mataas halin sa 2,104,060 ku nagtaliwan nga dag-on, base raya sa datos it Department of Education (DepEd).
Sa presente, 858 ka mga pampublikong eskwelahan sa rehiyon ro nagpatuman it lima ka adlaw nga in-person classes, 2,915 ro naghiwat it blended learning, ag 236 man ro nagpatuman it full distance learning.
Sa datos man it teatapan, ro rehiyon hay may 3,220 elementary, 190 integrated schools, ag 635 public secondary schools.
Matandaan nga maayos nga nagbukas ro mga eskwelahan ag uwa it narekord nga mabahoe nga insidente ku Lunes sa tunga it maeain nga tiempo sa rehiyon./JIL B. LACSON
