Nag abot sa 104,223 nga indibidwal ro nabakunahan kontra sa covid-19 sa bilog nga Western Visayas sa ikaywang adlaw it 3-day vaccination program.
Sa nasambit nga numero, 94,513 nga indibidwal ro naturukan it first dose it COVID-19 vaccines sa bilog nga Region 6, 7,626 ro nabakunahan it second dose, samtang, 2,084 sa booster shots sa ikaywang adlaw it Three-Day National Vaccination program.
Magatapos man ro tatlong adlaw nga mass vaccination hin-aga, December 1. / ANN DESLENE SALAZAR
