Masobra sangka milyon ka mga unga nga naga-edad sa lima hasta 11-anyos ro target nga mabakunahan it gobyerno kuntra sa COVID-19 virus sa bieog nga Western Visayas.
Base sa pahayag it Department of Health (DOH) 6, maga-umpisa ro vaccination rollout sa nasambitan nga age group sa Rehiyon 6 makarang Pebrero 14.
Sa 1,080,597 kabieogan nga target, 363,249 dikara hay halin sa Negros Occidental; 267,470 sa Iloilo province; 102,122 sa Capiz; 95,437 sa Antique; 84,356 sa Aklan; 81,737 sa Bacolod City; 61,872 sa Iloilo City; at 24,354 man sa Guimaras.
Pfizer vaccines ro ginpasugtan nga gamiton sa pagpabakuna samga unga./JIL B. LACSON
