Magapatigayun it random checkpoints, pagtukod it Police Assistance Desks, pagpatigayun it mobile ag detective patrols, ag iba pang pagtapna sa krimen agud masiguro ro sangka matawhay ag maayos nga pag obserba it Semana Santa.
Owa it eabot sa regular nga police routine, kapin sa 1,700 PNP personnel ro igapakalat ag ro mga Local Government Units, Barangay Officials ag force multipliers hay iga-tap para magbulig sa mga kapulisan.
Umapela man ro Police Regional Office (PRO-6) sa publiko eabi eon sa mga magabiyahe ag magapanaw it andang mga baeay nga siguruhon nga sarado ro mga raya, owa it appliances nga unattended/unplugged ag likawan nga mag angkon it real-time nga pag-post sa andang social media account it andang nahamtangan.
Sa pagbiyahe, dapat man nga sekyaron ro andang mga saeakyan nga sa mayad nga kondisyon.
Gin rekomenda man nga makaangkon it mga contact number it rescue groups, Bureau of Fire Protection ag mga kaeapit nga unit it pulisya kung may kinhangean para sa pagbulig it nasambit nga mga ahensya.
Tinutuyo it PRO-6 nga ro tanan hay mag-enjoy ag maging salbar sa bilog nga selebrasyon it Holy Week suno kay Police Brigadier General Flynn E. Dongbo. / ANN DESLENE SALAZAR
