Ginbaril-patay ro 44-anyos nga mangunguma nga ginkilaea nga si alyas Danny kat ginbaril raya it dati nga kirido it anang misis sa Brgy. Dawis, Pototan, Iloilo.
Ginkilaea man ro suspek nga si alyas Leo, 47 anyos.
Base sa pahayag it Pototan Police Station, nagatan-aw segun it TV si alyas Danny kaibahan ro anng unga kat matabo ro krimen.
Bigla eun eamang nga nakabati it eupok it baril ag nakita beamang it anang unga ro tatay sa salog ag duguan.
Nakita pa it unga si alyas Leo nga nagpalagiw matapos ginhimo ro krimen.
Dugang pa it mga otoridad, possible nga mabahoe gihapon ro sakit it buot it suspek sa biktima bangud ku 2019, ginmartilyo ni alyas Danny si alyas Leo sa ueo matapos maabutan nana sa andang panimaeay nga nakipaghieawas ro suspek sa anang asawa.
Presente nga gina-usoy pa it mga kapulisan ro suspek./JIL B. LACSON
