Nakita na ang usa ka mananagat nga nawala sulod sa tulo ka adlaw sa kadagatang bahin sa Brgy Pangubatan Island Graden City of Samal (IGACOS).
Malipayon nga gisugat sa pamilya si Arnel Torrejano human kini nawala samtang nanagat niadtong Agosto 27 tuig kasamtangan sa nasangpit nga lugar.
Sumala pa kang Arnel, nagub-an siya og makina samtang anaa sa lawod ug naanod sa northeast sa Brgy Pangubatan IGACOS, Fishing Grounds.
Kahinumdoman nga nagpagawas ang Coast Guard Station IGACOS og Notice to Mariners aron nga ipahibawlo sa kasikbit nga mga lugar ug dali nga mailhan ang maong mananagat.
Gilayon nga gitagaan og pagkaon, medikasyon ug tabang pinansyal ang nasangpit nga mananagat aron nga makabawi kini sa kusog human sa nahitabo kaniya.
