Tinakaw it uwa pa makilaeang manakaw ru bag nga may sueod nga P20K, cellphone ag iba pang mga gamit sa sueod mismo it panimaeay sa Purok 5 Brgy. Tinigaw , Kalibo , Aklan ku Hunyo 8.
Sa report, gina panag-iyahan ru panimaeay ni Mr. Salvador Berden Ubani, sa legal nga edad ag residente it nasambit nga lugar.
Naka chansa ru manakaw nga naka sueod matapos malipatan nga mai-lock ru main door it panimaeay ng nag serbe nga entry it manakaw hasta nakasueod sa sala ag kwarto samtang hamuk ru katueogon it tag-baeay ag maswerte man nga uwa it insidente nga natabo sa sueod it panimaeay.//MARIVIC Y. ILIN
