Arestado ang isa ka mamumugon matapos ginserbisan sang warrant of arrest sang mga kapulisan sa Barangay Barra, Roxas City, Capiz.
Ginkilala ang naaresto kay Raymundo Orande, 36-anyos, residente sang nasambit nga barangay.
Nagapangatubang sang kaso nga Attempted Homicide si Orande.
Ang warrant of arrest ang gin-isyu kag ginpermahan ni Judge Jennie Ann Logronio Lambuson, MCTC, 6th Judicial Region, Branch 1, Roxas City napetsahan sang Hunyo 27, 2023.
Sa karon, nakakustodiya na sa Roxas City PNP si Orande para sa nagakaigo nga disposisyon. | Judy Ann Juare
