Maga pasakop sa Palarong Pambansa ru sangka Malinaonon nga atleta sa Cebu City sa paeaabuton nga July 4-17, 2024.
Bugae it Aklan si Nikko Daniel I. Insecto, 17 anyos nga taga-Lilo-an, Malinao nga maga representa it Western Visayas sa paeabuton nga sporting event sa patag it track and field nga kunsiin, naghimo eon it trademark sa katatapos eamang nga District, Unit, Provincial ag regional competitions.
Suno kay Nikko, handum na nga maka daeagan sa Palarong Pambansa para maka tao it mabahoe nga dungog sa anang mga ginikanan ag sa eskwelahan samtang, gina kalipay man it bilog nga Malinaonon ag Aklanon nga maka representa ru probinsya sa Palarong Pambansa nga paga intrahan it mga atleta halin sa bilog nga nasyon.//MARIVIC Y. ILIN
