Opisyal nga ginbuksan it Malay Anti-Illegal Drugs Abuse Council (MADAC) sa pagpamuno ni Mayor Frolibar Bautista, ro Balay Silangan Reformation Center para sa 4th Batch.
Daywa ka personalidad halin sa Brgy. Manocmanoc ag Brgy. Poblacion ro gin-accommodate sa Balay Silangan ag nagpaidaeum sa screening ag background investigation it Malay Municipal Police Station.
Ro drug reformists hay magapaidaeum sa sang buean nga general interventions kaparehu it edukasyon ag health awareness, psychological/spiritual/physical activities, kaeakip ro counseling, moral recovery, values formation, personal ag life skills, ag livelihood ag skills training programs nga magatao sa mga reformer it oportunidad sa trabaho.
Ro banwa it Malay hay may kabilugan nga 31 graduates halin sa Balay Silangan Program halin pa ku December 2021.
Ro 31 reformists hay Voluntary Surrenders ag Personalities nga nag avail it Plea Bargaining Agreement ag madinaeag on nga nakakumpleto it nasambit nga programa. // ANN DESLENE SALAZAR
