Himas-rehas ngayon ang isang (1) lalaki matapos ang ikinasang drug buy-bust operation ng pinagsama-samang pwersa ng mga awtoridad sa Barangay Pinagkamaligan Calauag, Quezon nitong Biyernes, Hulyo 5.
Bandang ala-1:39 ng madaling araw nang madakip ang mga suspek na kinilalang si alyas “Itlog”, 42-anyos, matapos makabili ang isang poseur buyer ng hinihinalang shabu mula sa kaniya.
Sa gitna nito, nasamsam kay alyas Itlog ang 105 gramo ng hinihinalang shabu na tinatayang nagkakahalaga ng mahigit ₱2,100,000; buy-bust money at isang unit ng motorsiklo.
Sa ngayon, nasa kustodiya ng Calauag Municipal Police Station ang suspek na nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002.
