Nasamsam ng Pulis Kasanggayahan ng Sorsogon ang mahigit P596K na iligal na droga sa ikinasang 7 anti-illegal drug operations na isinagawa ng iba’t-ibang police units mula Oktubre 1-31 nitong taon.
Sa datos na nakuha ng Brigada News mula sa PRO5, 7 drug personalities ang naaresto sa mga operasyon sa buong lalawigan.
May kabuuang 87.394 gramo ng shabu at 11.785 gramo ng Marijuana ang nasamsam sa mga operasyon na ginawa ng iba’t-ibang police stations.
Sa 7 anti-illegal drugs operation, lima dito ang buy-bust habang 2 ang sa pamamagitan ng search warrant.
Nagpasalamat naman ang pamunuan ng PNP-Bicol sa publiko para sa patuloy na suporta dahil ang nasabing accomplishments ay nagpakita ng epektibong pagtutulungan ng komunidad at iba’t-ibang stakeholders.
