Kinumpirma ng pamahalaang panlalawigan ng Albay na umabot sa mahigit 16,000 o kabuuang bilang na 16,666 na mga indigent senior citizens ang nakatanggap na ng kanilang social pension sa isinagawang payout sa Albay Astrodome.
Sa impormasyong inilabas ng nasabing pamahalaan, tumanggap ang mga ito ng PHP1,500 na halagang pension para sa peryodong Oktubre hanggang Disyembre ng nakalipas na taon.
Pinangunahan ng Provincial Social Welfare and Development Office (PSWDO) katuwang ang Provincial Treasurer’s Office ang nasabing payout.
Dagdag pa nito, ang nagpapatuloy na payout ay kinabibilangan din ng mga benepisyaryo mula sa 18 mga munisipalidad at lunsod sa lalawigan na waitlisted sa pension na inilaan ng DSWD para sa peryodong Pebrero 1 hanggang 24 ngayong taon.
