MAABOT SA P3M NA KANTIDAD NIN UNDOCUMENTED ‘UKAY-UKAY’ SA SORSOGON, NASABAT KAN PCG BICOL
LEGAZPI CITY – Kinumpirmar kan Philippine Coast Guard (PCG) Bicol na igwa sindang narekober na undocumented na ukay-ukay na lunad nin van asin truck sa Matnog Port sa probinsya kan Sorsogon.
Segun kay Spokesperson CG ENS Dwan Grace Detoyato kan PCG Bicol, nakaresibe sinda nin apod hale sa concerned citizen sa nasambit na pantalan manungod sa pag-transport nin ukay-ukay na mayong mga dokumento.
Huli kaini, tulos man inapodan an pantalan na i-verify an reklamo.
Sa pag-inspeksyon kan mga personahe, hinanapan man ini ki dokumento alagad wara sindang naipahiling sa na nagin rason tanganing kompiskaron an mga gamit kasabay an mga lunadan.
Maabot sa PHP3M na kantidad nin undocumented ukay-ukay an saindang narekober.
Tinawan-doon kaini, ini na an pangaduwang beses na nangyari sa kaparehong lugar, enot kan taon 2023 asin nasundan na ini ngunyan na taon 2024.
Sinabi pa kan opisyal, tulos pig-turnover sa Bureau of Customs an mga gamit para sa magkakanigong disposisyon.
