NAGA CITY- Tigil operasyon muna ang Land Transportation Office (LTO) Ragay matapos masunog ang stockroom kahapon.
Sinabi ni Regional Director Franz Ranches na matapos ang insidente kailangan pa ng inspeksyon ng mga engineers. Nilinaw naman nito na ang mga nakaimbak na dokumento ay pasok na sa disposal stage. Kung sakali mang mayroong bago may digital copy naman ang LTO.
Wala aniyang dapat na ipag-alala ang mga may pending transactions , oras na mabigyan ng go signal muling magbubukas ang tanggapan.
Mababatid na sumiklab ang sunog sa LTO- Ragay 8:15 Huwebes ng umaga. Naagapang kumalat ang apoy at nakapagresponde ang Bureau of Fire Protection (BFP).
