Nakabsan sa kinabuhi si Lopez Jaena Mayor Michael P. Gutierrez nga unang gipusil sa wala mailang responsabli atoll sa gipahigayong Christmas party sa Sitio Pulao, Barangay VII, Tangub City, Misamis Occidental niadtong Disyembre 22 sa gabii.
Kini ang gianunsiyo sa anak niini ug Lopez Jaena Councilor Andrea “Pinky” Gutierrez sa Facebook page human sa lima ka adlaw nga pag-antos sa nahiaguman.
Una nang gidala sa Misamis University Medical Center si Gutierrez apan gi transfer sa MHARS Medical Center alang sa dugang operasyon ug gikuha sa private air ambulance para dalhon sa kauluhan alang sa dugang pag atiman apan nakabsan kini sa kinabuhi.
Migawas sa inisyal nga report sa Tangub City Police Station, nga nakahiagum si Gutierrez og samad sa iyang liog tungod sa slug ug mga debris nga bildo nga resulta sa bala sa sniper nga gitumbok unta ni Misamis Occidental 2nd District Rep. Henry Oaminal.
Mitanyag na karun si Rep. Oaminal og P5-million nga patong alang ni bisan kinsa nga makahatag og impormasyon o makatudlo kung kinsa ang suspek.
Nasayran nga mudagan si Gutierrez pagka-bise gobernador nga ka-tandem ni Oaminal nga modagan pagka-gobernador sa 2022 elections sa Misamis Occidental.
Sapagkakarun padayun ang imbistigayon sa special investigation task group (SITG) sa maong insidente.
