Arestado sa ginkasa nga drug buy bust operation ro sangka lolo matapos madakpan it ginabawae nga droga.
Ginkilaea ro subject person nga si Loudemer Vilches, 60-anyos, ag residente it Brgy. Suclaran, San Lorenzo, Guimaras.
Base sa pahayag it Guimaras Provincial Drug Enforcement Unit, nabak-ean it poseur buyer ro subject it sangka sachet it suspected shabu nga nagabalor it P500.
Narecover man sa ana ro dugang nga 10 plastic sachets it suspected shabu ag P500 buy bust money.
Sa presente, naka-detain ro persona sa San Lorenzo Police Station ag nagahueat it kaso nga ipasaka kuntra kana./JIL B. LACSON
