Agud makadungan sa gataas nga inflation, gin suportahan it local labor group nga General Alliance of Workers Association (GAWA) ro mga panawagan para sa pagtaas it suweldo sa masunod nga dag-on.
Hinambae ni GAWA secretary-general Wennie Sancho nga kinahang-ean ro dugang nga sahod para sa mga manggagawa it bansa dahil ro purchasing power it mga manggagawa ag consumer hay nagnubo it mayad ag ro inflation rate hay tumaas sa 7.7 percent.
Sa idaeom it Wage Order No. 26 it National Wages and Productivity Commission (NWPC) nga nagkabisa ku Hunyo 5 makarang dag-on, ro gadaeagan nga wage order hay indi pwedeng amyendahan sa sueod it isaeang dag-on pwera eang kung may mga supervening nga kondisyon o pagbag-o sa sitwasyon.
Hinambae ni Sancho nga may una eon makarang mga supervening nga kondisyon parehas it pagtaas ku presyo it mga pangunahing baeak-eon ag padayon nga pagtaas it presyo ir langis.
Sa makara, hinambae ni Sancho nga taw-an it gobyerno it subsidy ro mga manggagawa hasta sa mapaguwa ro bag-ong wage increase order.//LABYRINTH R. BAYONA