Gikumpirma ni City Health Office (CHO) Acting Head Dr. Ashley Lopez, nga gitanggal na ang gipatumang lockdown sa tulo ka dagkong business process outsourcing (BPO) companies nga unang nakatala og daghang empleyado nga nagpositibo sa COVID-19.
Sumala sa opisyal nga subli nang mibalik sa ilang operasyon ang maong mga kumpanya apan hugot silang ipailawum sa monitoring matag duha ka semana.
Kahibaluang ang maong mga BPO companies ug pipila ka mga commercial banks ang usa sa tinubdan sa transmission sa kagaw sa miaging ga semana nga nagresulta sa temporaryo nga pag-pailawum sa lockdown.
Tungod niini hugot nga gipahinumduman sa opisyal ang tanang establisysmento nga obserbahan ang minimum public health standards sa mga empleyado, ug dili pasagdan ang mga trabahante nga dunay sintomas ug influenza-like illnesses (ILIs) aron mapugngan ang pagkatag sa kagaw.
