Nagpatigayon sang sinapol ang Local Health Board sa banwa sang Panay kaupod ang mga katapo sang Provincial Health Office agud istoryahan ang nahanungod sa update kag status sang Dengue sa nasambit nga banwa.
Nahibaluan nga nakabalhag sang may pinakamadamo nga kaso sang Dengue ang Panay nga nagdangat sa 86, samtang ginpaidalom naman sa clustering ang pito ka barangay sini amo ang Barangay Bato, Bago Chiquito, Calapawan, Pili, Poblacion Ilaya, kag Tanza Sur.
Ginapangabay naman ni Mayor Vic Bermejo ang kooperasyon kag bulig sang tanan nga Pan-ayanon sa pagtinlo sang ila palibot agud wala sang ma-istaran ang lamok nga pagatunaan sang balatian nga Dengue.
Nagtambong sa amo nga sinapol sanday Municipal Administrator Vincent Bermejo, SB Candio Bernales, Chairman, Committeee on Health, ABC President Boy Badoles, Municipal Health Officer Dr. Oliver Andrada kag madamo sang iban pa. | Judy Ann Juare
