Nagdangat sa 49 ka indidibiwal ang natigayon maoperahan sa Surgical Mission nga ginhiwat sa isa ka ospital sa Dao, Capiz sang tinalikdan nga Hunyo 15 tubtob 16.
Lakip sa mga naoperahan nga mga cases ang may balatian sa goiter, bukol sa suso, bato sa apdo, losios, almoranas kag mga magagmay nga bukol sa nagkalainlain nga parte sang lawas.
Ang nasambit nga programa ang ginpatigayon pinaagi sa Gobyerno Probinsyal, Philippines Society of Anesthesiologist, Philippine Society of General Surgeons – Panay Chapter kag Perioperative Registered Nurses Association of the Philippines Inc.|Frances Joy Preciosa
