May mga aktibidad ag programa nga gintukod ro LGU Kalibo kaangot sa selebrasyon it Women’s Month para sa buean it Marso.
Sa ginpatigayun nga pulong it Gender and Development Technical Working Group at Executive Committee, may mga ginpasa nga proposals kaparehu it Local Council on Women Sunday Bazaar, may Free Massage, Free Pap Smear, Free Breast Examination, Free Haircut, Zumba, mga Livelihood Trainings and Health Lectures ro igapatigayun.
Plano man it LGU Kalibo nga magpatigayun it Spiritual Nourishment Activity pinaagi it Thank’s God its Friday Activity sa March 1, 2024.
Pagataw-an man it atensyon ag panahon ro mga biktima it Violence Against Women and Children ag VAWC Survivors.
Pila pa sa mga nakalinyadang aktibidad hay ro “Serbisyo para kay Juana”, kung siin, magapatigayun it Free Delayed Registration of Birth, Free Legal Aid ag Financial Literacy Advocacy para sa mga Women’s Organization, may Free Blood Pressure Check Up ag Free Blood Typing ag may seminar para sa tamang pagpadaeagan it maisut nga negosyo. // ANN DESLENE SALAZAR
