Nagpaguwa eon it Executive Order si Mayor Michael R. Ramos it banwang Batan kaangot sa suspension it klase bangud sa tuman kainit nga tiempo nga naeksperiensyahan makarun.
Raya hay ro Executive Order No. 2024-07 “An Executive Order Suspending Afternoon Face to Face Classes sa Pre-school to Senior High School, Public and Private sa banwa it Batan umpisa it April 11, 2024 to April 30, 2024 bangud sa Extreme Heat Condition”.
Sa makarun hay 6 eon ka banwa ro nagapatuman it suspension it klase, raya hay ro mga banwa it Kalibo, Altavas, Ibajay, Lezo, Balete ag Batan.
Samtang, owa eon nagpaguwa it EO ro LGU Numancia bangud igatao eon nanda ro desisyon sa school heads sa andang lugar kung maga patuman raya it suspension it klase okun indi. // ANN DESLENE SALAZAR
