Patay ru sangka LGBT matapos eab-on it kainuman sa Brgy. Gibon, Nabas, Aklan.
Suno kay PSSg. Melvin Alba Jr., imbestigador it Nabas Municipal Police Station, nakilaea ru biktima nga si Ronnie Tamboong, 48 anyos it Mansalay Oriental Mindoro apang temporaryong naga estar sa lugar.
Samtang, nakilaea ru suspek nga si Raymund Salvador, 32 anyos, tubong Libertad, Antique ag presenting naga estar sa anang tiya sa nasambit man nga lugar.
Gin pilit sigun it biktima ru suspek it may pilang besis nga pagkupkop nga gin kaugot hasta sa napikon ru suspek.
Linabo it suspek ru biktima sa leeg ag ibang parte it kaeawasan gamit ru sanduko nga ikinamatay it biktima.
Eagi man nga nag surrender ru suspek sa anang tiya nga si Alojanie Feliciano ag sa makaron hay presenting naka kulong sa Nabas Municipal Police Station ag maga pangatubang it kaso ru suspek.//MARIVIC Y. ILIN
