LEGAZPI CITY – Inasigurar kan Tricycle Operators and Drivers Association (TODA) Legazpi Team na dai nin mapasaway na mga tricycle driver sa siyudad nin Legazpi ngonian na pinoonan na an Private Schools Athletic Association (PRISAA) 2024.
Ini an pigsierto ni TODA Legazpi Chief Lary Pineda kun sain sinabi kaining saiya na subuot na tinaraman an nasambit na mga driver na dai maggibo nin anuman na pagpasaway mantang may piggigibong importanteng aktibidad sa siyudad.
Saro sa saiyang mga pagirumdom sa mga tricycle driver na dai subuot magpatong nin sobrang pamasahe sa mga pasahero lalo na sa mga bisitang dai aram an pinaka kantidad kan pamasahe sa siyudad. Dapat subuot na sunuod kan mga ini an tamang fare matrix sa Legazpi.
Pagirumdom man ni Pineda sa mga pasahero, na en kaso subuot maka-eksperiyensya nin bako tamang singil sa pamasahe sa mga tricycle driver sa siyudad, siguruhon na kuaon o aramon an plate number kan mga ini asin tulos na magreport sa sainda para mapanimbag an mga ini.
Mientras, ipighayag man ni Legazpi City Mayor Carmen Geraldine B. Rosal, igwa subuot nin maabot sa kinientos (500) na mga polic personnel sa siyudad an presenteng naka-deploy para maasigurar an seguridad kan mga delegado.
