LEGAZPI CITY – Tinawan-doon kan Legazpi City Veterinary Office na igwa ki epekto an matinding init nin panahon sa mga ataman na hayop orog na itong hali sa malilipot na breed siring kan mga ayam na Siberian Husky, Chow-chow, asin iba pang mahihibog an balukag.
Segun kay City Veterinarian Dr. Emmanuel Estipona sa intrevista kan Brigada News FM Legazpi, arog kan mga tawo pwedesir man ma-heat stroke an mga hayop na posibleng magresulta sa organ failure.
Kaya, an paglakaw-lakaw kan mga pets, dai na dapat maglapwas sa alas 8 nin pagkaaga nin huli ta minainit na, asin kun pagkahapon, mas safe kun irarabas sinda sa oras na alas 5 nin hapon.
Photo: Hannah Jamila Bitago
