LEGAZPI CITY – Pinaplano ng Legazpi City Mayor’s Office na sulatan ang Sangguniang Panglungsod (SP) para sa gagawing dry run ng bagong ruta ng modern jeepneys sa lungsod.
Ayon kay Chito Baldo, head ng 911, kailangang sulatan muna ni Mayor Geraldine Rosal ang SP para humingi ng permiso na pagsasagawa ng nasabing aktibidad.
Aniya, oras na matanggap ang sulat ay magsusulat din ang SP sa Land Transportation Franchising and Regulatory Board (LTFRB) para masimulan na ang dry run.
Titingnan kasi umano nila kung epektibo ang pagkakaroon modern jeep sa northern at southern barangay at nilinaw nito na hindi kasama sa ruta ang Daraga-Legazpi vice versa dahil ang Pamahalaang Panlalawigan ang humahawak nito.
