Ginkumpiska ro sangka lechon baboy, dugo it baboy ag mga kasudlan kat umagi sa African Swine Fever (ASF) Biosecurity checkpoint sa Barangay Venturanza sa banwa it Banga, Aklan.
Ro pagkumpiska hay ginpatigayun it gintingob nga pwersa it LGU Municipal Agricultural Office, Banga PNP, Brgy. Council ag tanod it Brgy. Agbanawan, Tabayon ag Venturanza.
Matapos kumpiskahon ro lechon ag mga kasudlan hay insigida rayang ginsunog it biosecurity personnel ag staff halin sa Office of the Municipal Agriculturist. // ANN DESLENE SALAZAR
