Arestado ang isang lalaki matapos nitong pagnakawan ang kahera ng isang tindahan sa Barangay Poblacion, Burdeos, Quezon nitong Linggo, Marso 3.
Ayon sa police report, bumili muna umano ng softdrinks ang naarestong suspek na si alyas “Jayvee”, 31-anyos, bago ito nag-deklara ng holdap subalit hindi ito pinansin ng kahera.
Mas lumapit ang suspek biktima kung kaya tinawag nito ang kanyang katrabaho na nagdulot ng pagkataranta sa suspek.
Samantala, natangay naman ng suspek ang cellphone ng biktima subalit narekober rin ito ng mga awtoridad kasama ang toy gun na ginamit matapos maaresto kalaunan.
Sa ngayon, patuloy ang isinasagawang imbestigasyon ng mga awtoridad hinggil sa insidente.
