Pilas sa ibabaw kang nawala nga bahin kang abaga ang naaguman ni Reygan Dubria, 37 anyos kang dya ang ginbuno ni Jurey Regondon, 31 anyos, lunsay mga mangunguma kag residente kang Brgy. Buluangan 1, Valderrama, las-11:30 kagabi-i, Agosto 22 sa nasambit nga lugar.
Ginpakigbahin ni PCapt. Alfonso Precia, OIC kang Valderrama Municipal Police Station sa Brigada News FM Antique, nga las:12-45 kaina kang kaagahun, sanda ang nakabaton kang tawag halin sa Valderrama Municipal Hospital sa diin ginapahayag nga may gindara nga lalaki kag biktima kang insidente kang pagpangbuno.
Nagaguwa sa andang imbestigasyon nga samtang nagainum-inum ang biktima kaimaw kang suspek kag darwa ka iban pa, may nagtuhaw nga mainit nga pagbinaisay sa tunga kang biktima kag suspek, sa diin hinali lang ka dya nga ginbuno ang biktima.
Gilayon nga gindalagan ang biktima kang anang pamilya sa nasambit nga ospital para sa pagbulong samtang arestado naman ang suspek sa diin dya ang nagapabilin sa kustodiya kang Valderrama MPS para sa nagakaigo nga tikang.
