Naharang sa mga gingsakpan sa Task Force Davao ug Bunawan PNP ang usa ka lalaki nga nagdala og ilegal nga droga pasulod sa syudad sa Davao alas 4:50 kagahapon sa buntag.
Ang dinakpan mao si Albert Dominic Santos Garcia, 47, minyo nga taga- Laverna Hills Subdivision Buhangin Davao City.
Nakuha sa iyang posisyon ang 1.41 grams sa shabu nga dunay DDB value nga Php. 9,588.00
Gumikan sa sunod-sunod nga mga naharang nga nagdala og ilegal nga droga, mas gipahugtan pa sa otoridad ang ilang gihimong checkpoint.
Samtang, anaa na gikustodiya sa Bunawan PNP ang suspek ug gihikay na ang kasong paglapas sa RA 9165 kon Comprehensive Dangerous Drugs Act of 2002.
