Wala na makapalagyo ang isa ka persona matapos ginserbihan sang warrant of arrest sa kaso nga Attempted Homicide takna alas 8:23 sang aga, Abril 8, sa Brgy. Lawaan, Roxas City.
Ginkalala ang akusado kay alyas “Jay”, 38-anyos, isa ka furniture maker, kag residente sang Brgy. Dinginan, sang nasambit nga syudad.
Ang arrest warrant ang gin-issue kag ginpermahan ni Hon. Joeffry Almalbis, Presiding Judge, MTCC, Branch 1, Roxas City, napetsahan Oktobre 15, 2007.
Ginrekomenda naman sang korte ang piyansa nga P12,000 para sa temporaryo sini nga kahilwayan.
Sa karon yara na ang akusado sa kustodiya sang Roxas City PNP para sa nagakaigo nga disposiyon.| Frances Joy Preciosa
