Gidala sa tambalanan ang lalaki’ng samdan nga igo ra nagtubag sa sugo sa lawas sa kalibunan human gipusil sa iyang silingan, alas 2 sa kaadlawon sa Purok Lemonsito, Brgy. Gun-ob, Siyudad sa Lapu-Lapu.
Ang biktima giila nga si Armelindo Ybales Ochea, 35 anyos, ulitawo, way trabaho, taga Purok Lemonsito, Brgy. Gun-ob samtang ang suspek, alyas timoy, 27 anyos nga ulitawo way trabaho misibat human sa pagpamusil
Nasuta sa kapulisan sa Lapu-Lapu Station 3 ubos sa kamanduan ni station commander P/Maj. Jaypee Dagami, sa inisyal imbistigasyon. Ang biktima didto sa kalibunan kay nitubag sa sugo sa lawas apan kalit lang gipusil sa makaupat ka mga higayon sa suspek gamit ang .22 nga kalibre nga revolver.
Ang biktima gidala sa Lapu-Lapu City Hospital samtang ang suspek nisibat ug wa na maabti sa mga ni-responde nga polis
Nasayran sab sa kapulisan ang biktima ug suspek may daan nga panagbangi. | Alan Tangcawan
