LEGAZPI CITY – Arestado an sarong alyas “Onin” sa Purok 6, Brgy. Baybay, banwaan kan Tiwi sa probinsya kan Albay.
An akusado, sarong 24 anyos na lalaki, warang agom asin residente kan kaparehong lugar na naarestar sa kusog kan mandahamiento de aresto para sa kasong pagbalgar sa Section 5-I kan Republic Act No. 9262 o Anti-Violence Against Women and Their Children Act of 2004.
Maabot man sa PHP72,000 an itinalaang piyansa saiya kan korte.
Sa ngunyan, kapot na ini kan Tiwi MPS para sa magkakanigong disposisyon.
