MAINITONG giabi abi sa mga katawhan sa Carcon Village ug Sitio Toning, Brgy. Lagao ang bando sa AIM kagahapon sa buntag.
Gikan sa kadalanan, lahos sa mga iskinita, mga balay ug establismento ang gisuhid sa pagpanguna ni Brigada Elmer V.Catulpos aron magpaila ila ug makighimamat sa mga katawhan.
May mga babaye, kalalakihan ug bisan mga batan-on ang nakig-fist bump kang Brigada Elmer ug mga konsehal sa partido dinuyugan sa campaign jingle nga Alisto Alisto samtang ang uban, nalipay nga nakita personal ang mga kandidato labi na kay Brigada Elmer.
Ang ubang residente nag-atang na sa gawas sa ilang balay pagkadungog sa campaign jingle ug sa pag-abot sa grupo ug nagpadayag ngadto kanila nga modaog aron mamaayo na ang dalan sa ilang lugar ug uban pang kalambuan alang sa GenSan.
Human sa ilang paglibot suroy, milahos ang grupo sa usa ka kan-anan aron didto na mamahaw kauban ang pipila ka supporters.
