LAING lima ka mga motorsiklo ang gikustodiya sa Alabel Police Station human nga ilang gi hold sa checkpoint gumikan sa mga kasupakan sa balaud. Makita sa atbang sa Police Station ang managlahi nga unit tipon sa nauna nga mga motorsiklo nga gi hold sa Alabel PNP, ang mga kasupakan sa nagdala sa unit mao nga ang ilang motor mga modified, gagmay ug ligid, saba ang tambutso, wala nay side cover ug walay mga plate number.
Ilawom sa kamandoan ni PLtCol Reynaldo Delantein ang mga motorsiklo i- release lamang kon ang mga tag-iya niini mobayad og multa sa munisipyo sa Alabel kantidad og P500 pesos unya ibalik sa normal nga hitsora ang mga motorsiklo.
Kahibaluan nga adunay ordinansa ang Alabel kabahin sa naga modify o naga usab sa ilang tambutso sa motorsiklo. I Ver Diazon
