Ipa-pa cremate sa Netherlands sa December 27 ang labi ni Communist Party of the Philippines founding chairmani Jose Maria “Joma” Sison.
Ang cremation ni Sison sa Crematorium Daelwijck sa Utrecht ay magaganap 12 araw pagkatapos niyang mamatay noong December 16 sa edad na 83.
Sinabi ni CPP chief information officer Marco Valbuena, na wala pang talakayan sa pagdadala ng abo ni Sison sa Pilipinas.
Itinatag ni Sison, isang aktibista, ang makakaliwang rebolusyonaryong organisasyon na CPP noong December 1968.
Limang dekada nang inilulunsad ng CPP ang pagrerebelde laban sa gobyerno, kasama ang armadong grupo nitong New People’s Army (NPA) at political arm na National Democratic Front of the Philippines.//CA
