LEGAZPI CITY – Nakaresibi nin family food packs (FFPs) an nasa 177 internally displaced persons (IDPs) na presenteng nagtetenir sa Anoling evacuation center sa Camalig huli sa pag-aalburuto kan Bulkan Mayon.
Kasuhapon, Agosto 7, an ika-60 aldaw kan pigkokondosir na Mayon Operations sa banwaan puon pa kan magpahiling ki abnormalidad an bulkan.
Apwera kaini, nagpapadagos man an relief efforts na ipigsasagibo sa manlaen-laen na evacuation centers sa banwaan.
Sa ngunyan, basado sa iniluwas na datos kan MDRRMO, igwa nin nasa 980 o 3,465 mga indibiwal an presenteng nasa pitong evacuation centers sa banwaan.
