TAKDANG moretiro sa serbisyo karong adlawa ang labaw sa Police Regional Office (PRO) 12, butyag ni Major Risa Hernaez, spokesperson. Matud ni Hernaez, naabot ni Police Brig. General Percival Augustus ang retirement age nga 56. Dungan sa pagsaulog niini sa adlaw’ng natawhan sa Agosto 4 ning kasamtangang tuig. Si Placer ang miyembro sa Philippine National Police Academy (PNPA) Tagapaglunsad Class of 1993.
Hatagan si Placer og retirement honor sa kapulisan sa PRO-12 karong adlawa sa regional headquarters sa Barangay Tambler, GenSan.
Samtang, gibutyag ni Hernaez nga wala gipanganlan ang mohulip kang Placer isip labaw sa PRO12.
Apan giangkon nga usa sa pangalang migawas nga pulis ni Placer mao si Brig. Gen. James Gulmatico kasamtangang Deputy Regional Director for Administration, PRO BAR.
Nadestino usab si Gulmatico pipila katuig ang milabay isip usa sa mga opisyal sa regional office. I Richel Gubalani
